1018
കര്‍ത്താവു താന്‍ ഗംഭീരനാദത്തോടും
പ്രധാന ദൈവദൂത ശബ്ദത്തോടും
സ്വര്‍ഗ്ഗത്തില്‍ നിന്നിറങ്ങി വന്നിടുമ്പോള്‍
എത്രയോ സന്തോഷം..... മദ്ധ്യാകാശത്തില്‍
മണ്ണിലുറങ്ങിടുന്ന ശുദ്ധിമാന്മാര്‍
കാഹളനാദം കേള്‍ക്കുന്ന മാത്രയില്‍
പെട്ടെന്നുയിര്‍ത്തു വാനില്‍ ചേര്‍ന്നിടുമേ
തീരാത്ത സന്തോഷം... പ്രാപിക്കുമവര്‍
ജീവനോടീ ഭൂതലേ പാര്‍ക്കും ശുദ്ധര്‍
രൂപാന്തരം പ്രാപിക്കുമന്നേരത്തില്‍
ഗീതസ്വരത്തോടും ആര്‍പ്പോടും കൂടെ
വിണ്ണുലകം പൂകും.... ദുതതുല്യരായ്
കുഞ്ഞാട്ടിന്‍ കല്യാണ മഹല്‍ദിനത്തില്‍
തന്‍റെ കാന്തയാകും വിശുദ്ധ സഭ
മണിയറയ്ക്കുള്ളില്‍ കടക്കുമന്നാള്‍
എന്തെന്തുസന്തോഷം..... ഉണ്ടാമവര്‍ക്ക്
സിദ്ധന്മാരാം പൂര്‍വ്വ പിതാക്കളെല്ലാം
മദ്ധ്യാകാശത്തില്‍ കല്യാണവിരുന്നില്‍
ക്ഷണിക്കപ്പെട്ടു പന്തിക്കിരിക്കുമ്പോള്‍
ആമോദമായ് പാടും..... ശാലേമിന്‍ ഗീതം
ആദ്യം മുതല്‍ക്കുള്ള സര്‍വ്വശുദ്ധരും
തേജസ്സില്‍ കര്‍ത്താവിനോടൊന്നിച്ചെന്നും
നീതി വസിക്കുന്ന പുത്തന്‍ ഭൂമിയില്‍
ആനന്ദത്തോടെന്നും..... പാര്‍ത്തിടുമവര്‍
ദേവാധി ദേവന്‍ സര്‍വ്വത്തിന്നും മീതെ
തന്‍കൂടാരം വിശുദ്ധര്‍ മദ്ധ്യത്തിലും
എന്നേക്കുമവര്‍ തന്നെക്കണ്ടു മോദാല്‍
ഹല്ലേലുയ്യാ പാടും..... നിത്യയുഗത്തില്‍-
1018
Karthaavu thaan gambheera naadathodum
Pradhaana daiva dootha shabdathodum
Swarggathil ninnirangi vannidumbol
Ethrayo santhosham.....mandhyaakaashathil
Mannilurangidunna shudhimaanmaar
Kaahala naadam kelkkunna maathrayil
Pettennuyirthu vaanil chernnidume
Theeraatha santhosham.....praapikkumavar
Jeevanodi bhoothale paarkkum shudhar
Roopaantharam praapikkum annerathil
Geetha swarathodum aarppodum koode
Vinnulakam pookum.....dootha thulyaraay
Kunjaattin kalyaana mahal dinathil
Thante kaanthayaakum vishudha sabha
Maniyarackkullil kadakkumannaal
Enthenthu santhosham.....undaamavarkke
Sidhanmaaraam poorvva pithaakkalellaam
Mandhyaakaashathil kalyaana virunnil
Kshanikkappettu panthi kkirikkumbol
Aamodamaay paadum.....shaalemin geetham
Aadyam muthalkkulla sarvva shudharum
Thejassil karthaavinod onnichennum
Neethi vasikkunna puthen bhoomiyil
Aanandathodennum....paarthidumavan
Devaadhi devan sarvvathinnum meethe
Than koodaaram vishudhar mandhyathilum
Ennekkumavar thanne kkandu modaal
Halleluyya paadum.....nithyayugathil