1035
എനിക്കെന്‍റെ യേശുവിനെ
കണ്ടാല്‍ മതി
ഇഹത്തിലെ മായാസുഖം വിട്ടാല്‍ മതി
പരന്‍ ശില്‍പിയായ് പണിത നഗരമതില്‍
പരനോടുകൂടെ വാഴാന്‍ പോയാല്‍ മതി
ഒരിക്കല്‍ പാപന്ധകാര
കുഴിയതില്‍ ഞാന്‍
മരിച്ചവനായ് കിടന്നോരിടത്തു നിന്നു
ഉയര്‍ത്തി ഇന്നോളമെന്നെ നിര്‍ത്തിയവന്‍
ഉറപ്പുളള പാറയാകും ക്രിസ്തേശുവില്‍
ഇവിടെ ഞാന്‍ വെറുമൊരു
പരദേശിപോല്‍
ഇവിടത്തെ പാര്‍പ്പിടമോ വഴിയമ്പലം
ഇവിടെനിക്കാരും തുണ ഇല്ലെങ്കിലും
ഇണയാകും യേശുവോടു
ചേര്‍ന്നാല്‍ മതി
പ്രിയനെനിക്കിനിയേകും
ദിനമൊക്കെയും
ഉയര്‍ത്തിടാം സുവിശേഷ-
ക്കൊടിയീമന്നില്‍
ഇളക്കമില്ലാത്ത നാട്ടില്‍ വസിച്ചിടുവാന്‍
തിടുക്കമാണെന്‍ മണാളന്‍ വന്നാല്‍ മതി
കളങ്കമില്ലാതെ എന്നെ തിരുസന്നിധേ
വിളങ്ങുവാന്‍ യേശു കഷ്ടം
സഹിച്ചെനിക്കായ്
തളര്‍ന്ന മെയ് കാല്‍കരങ്ങള്‍
തുളച്ച മാര്‍വ്വും
നിറഞ്ഞ കണ്ണീരുമാര്‍ദ്രഹൃദയവുമായ്
നിറഞ്ഞ പ്രത്യാശയാല്‍
ഞാന്‍ ദിനമൊക്കെയും
പറഞ്ഞ വാക്കോര്‍ത്തുമാത്രം
പാര്‍ത്തിടുന്നു
നിറുത്തേണമെ വിശുദ്ധ ആത്മാവിനാല്‍
പറന്നേറി വാനിലെത്തി വസിച്ചാല്‍ മതി
1035
Enikkente yeshuvine
Kandaal mathi
Ihathile maayaasukham vittaal mathi
Paran shilpiyaay panitha nagaramathil
Paranodukoode vaazhaan poyaal mathi
Orikkal paapaandhakaara
Kuzhiyathil njaan
Marichavanaay kidannoridathu ninnu
Uyarthi innolamenne nirthiyavan
Urappulla paarayaakum kristheshuvil
Ivide njaan verumoru
Paradeshipol
Ividathe paarppidamo vazhiyambalam
Ividenikkaarum thuna illenkilum
Inayaakum yeshuvodu
Chernnaal mathi
Priyanenikkiniyekum
Dinamokkeyum
Uyarthidaam suvishesha-
kkodiyee mannil
Ilakkamillaatha naattil vasichiduvaan
Thidukkamaanen manaalen vannaal mathi
Kalankamillaathe enne thirusannidhe
Vilanguvaan yeshu kashtam
Sahichenikkaay
Thalarnnamey kaalkarangal
Thulacha maarvvum
Niranja kanneerumaardra hrudayavumaay
Niranja prathyaashayaal
Njaan dinamokkeyum
Paranja vaakkorthu maathram
Paarthidunnu
Niruthename vishudha aatmaavinaal
Paranneri vaanilethi vasichaal mathi