111
സ്തുതി ധനം മഹിമ സകലവും നിനക്കേ
സ്തുതികളില്‍ വസിക്കും പരിശുദ്ധപരനേ
സുരപുരിയില്‍ നിന്‍ ജനകന്‍ തന്നരികില്‍
പരിചൊടുല്ലസിച്ചു വസിച്ചിരുന്നവന്‍ നീ
നരകുല വിനകള്‍ പരിഹരിച്ചിടുവാന്‍
ധരണിയില്‍ നരനായ് അവതരിച്ചവന്‍ നീ-
ഉലകിതിലിതുപോല്‍ മലിനത ലേശം
കലരാതൊരുവനെ കാണ്‍മതില്ലനിശം
അതിഗുണമിയലും രമണീയനാം നിന്‍
പദതളിരിണകള്‍ വണങ്ങി ഞാന്‍ സ്തുതിക്കും-
അടിമുടി മുഴുവന്‍ മുറിവുകളേറ്റു
കഠിനമാം വ്യഥയാല്‍ തകര്‍ന്നു നിന്‍ ഹൃദയം
നിണമെല്ലാം ചൊരിഞ്ഞെന്‍ കലുഷതയകറ്റി
നിതമിതു മനസ്സില്‍ നിനച്ചു ഞാന്‍ സ്തുതിക്കും
ഗിരിമുകളില്‍ വന്‍ കുരിശില്‍ വച്ചുറക്കെ
കരഞ്ഞു നിന്നുയിര്‍ നീ വെടിഞ്ഞുവെന്നാലും
മരണത്തെ ജയിച്ചു, ഉയിര്‍ത്തെഴുന്നേറ്റു
പരമതില്‍ വാഴും പരമരക്ഷകന്‍ നീ-
പരമതിലുമീ ധരയിതിലും നിന്‍
പരിശുദ്ധനാമം പരമപ്രധാനം
അഖിലരും വണങ്ങും തവ തിരുമുമ്പില്‍
അടിപണിയുന്നു വിനയമോടടിയന്‍ -
111
Sthuthi dhanam mahima sakalavum ninakke
thuthikalil vasikkum parishudha parane
Surapuriyil nin janakan thannarikil
Parichodullasichu vasichirunnavan nee
Narakula vinakal pariharichiduvaan
Dharaniyil naranaay avatharichavan nee-
Ulakithilithupol malinatha lesham
Kalaraathoruvane kaanmathillanisham
Athigunamiyalum ramaniyanaam nin
Pada thalirinakal vanangi njaan sthuthikkum-
Adimudi muzhuvan murivukalettu
Katdinamaam vyadayaal thakarnnu nin hrudayam
Ninamellaam chorinjen kalushathayakatti
Nithamithu manassil ninachu njaan sthuthikkum-
Girimukalil van kurishil vechurakke
Karanju ninnuyir nee vedinjuvennaalum
Maranathe jayichu uyirthezhunnettu
Paramathil vaazhum paramarakshakan nee-
Paramathilumee-dharayithilum nin
Parishudha naamam parama pradhaanam
Akhilarum vanangum thava thirumumbil
Adipaniyunnu vinayamodadiyan-