1178
അദ്ധ്വാനിക്കും - സ്നേഹിതരെ
ഭാരം ചുമപ്പവരെ
ആശ്വാസം നിങ്ങള്‍ക്കിങ്ങേകിടുവാനായ്
രക്ഷകനേശു വിളിച്ചിടുന്നു
ആശയോടേശുവിന്‍ ചാരേ വരൂ
ആശ്വാസം നല്‍കുമവന്‍
നിങ്ങള്‍ തന്‍ക്ലേശങ്ങളേതാകിലും
പാപമോ രോഗമോ മറ്റെന്താകിലും
വിശ്വാസത്തോടെ കടന്നുവരൂ
ക്ലേശങ്ങള്‍ നീക്കുമവന്‍
നന്മ ചെയ്വാന്‍ നിങ്ങള്‍-
ക്കാശയുണ്ടെങ്കിലും
തിന്മയതല്ലോ ചെയ്തിടുന്നു
പാപമതിന്നുടെ കാരണമെ
പാപത്തെ നീക്കുമവന്‍
വ്യര്‍ത്ഥവിചാരത്തില്‍ വീണുലയാതെ കര്‍ത്തനാമേശുവിലാശ്രയിപ്പിന്‍
നിത്യനിരാമയ സ്വര്‍ഗ്ഗസുഖം
നിശ്ചയം നല്‍കുമവന്‍
ഇതു സുപ്രസാദ ദിനം പ്രിയരെ
ഇതുതന്നെ കരുണാസമയം
കാല്‍വറിയില്‍ പൂര്‍ത്തിയാക്കിയതാം
രക്ഷയ്ക്കായ് വന്നിടുക
1178
Adhwaanikkum – snehithare
Bhaaram chumappavare
Aashwaasam ningalkkingekiduvaanaay
Rakshakaneshu vilichidunnu
Aashayodeshuvin chaare varu
Aashwaasam nalkumavan
Ningal than kleshangalethaakilum
Paapamo rogamo mattenthaakilum
Vishwaasathode kadannu varu
Kleshangal neekkumavan
Nanma cheyvaan ningal-
kkaashayundenkilum
Thinmayathallo cheythidunnu
Paapamathinnude kaaraname
Paapathe neekkumavan
Vyartda vichaarathil veenulayaathe
Karthanaameshuvil aasrayippin
Nithya niraamaya swargga sukham
Nischayam nalkumavan
Ithu suprasaada dinam priyare
Ithu thanne karunaa samayam
Kaalvaryil poorthiyaakkiyathaam
Rakshackkaay vanniduka